LATHALAIN: Panganib na dala ng init ng panahon

-

            Ngayong panahon ng tag-init, hindi natin maiiwasan na makakuha ng sakit na dala o dulot ng mainit na panahon — isa na rito ang heatstroke. 

Ano-ano nga ba ang mga paraan upang maiwasan ito? 

Kadalasang nakukuha ang heatstroke kapag tayo ay nabibilad o nae-expose sa mga lugar na mayroong mataas na temperatura sa matagal na panahon; dito ay maaaring mag-overheat o tumaas ang temperatura ng ating katawan, na hindi napapawi ng pagpapawis dahil sa dehydration. Kadalasang ang mga matatanda at mga bata ang madaling kapitan ng sakit na ito. 

Ilan sa mga sintomas nito ay ang pakiramdam na labis na init ng katawan, pamumula ng balat, mabilis na pagtibok ng puso, panghihina, pagkahilo, at hanggang sa pagkawala ng malay.

Kung ito’y maranasan ano ba ang dapat nating gawain? 

  • maaaring paupuin o pahigain ang biktima. 

  • kapag ang biktima ay may makapal na damit o doble-dobleng suot, palitan ng manipis na damit o luwagan ang masisikip na damit. 

  • matapos nito ay kumuha ng yelo, o di kaya’y basain ang isang tela o towel, at ipunas ito sa sa ulo, kili-kili, at batok. 

  • pagkatapos ay paypayan ito hanggang sa ito’y magkamalay at magising.

  • kapag ang biktima ay nahimasmasan na, saka lamang ito painumin ng tubig. 


Narito naman ang ilan paalala kung paano maiwasan ang heatstroke: 

  1. Uminom ng maraming tubig. Maaari itong makatulong upang tayo ay manatiling hydrated o mapanatili ang tamang lebel ng hydration sa ating katawan. 

  2. Kung maaari, manatili lamang sa bahay o sa mga lugar na hindi masyadong mataas ang temperatura. 

  3. Kung aalis, palaging magdala ng payong o anumang panakip sa ulo. Ito ay makatutulong upang bigyang proteksyon ang ating katawan mula sa direktang sikat ng araw. Huwag ding kalimutang magdala ng tubig.

  4. Magsuot ng presko at manipis na damit. 


Tandaan na ang heatstroke ay hindi biro — kapag ito ay isinawalang bahala ay maaari itong humantong sa kamatayan.

Mabuti nang tayo ay may alam upang ito ay maiwasan; “prevention is better than cure,” ika nga. 

 


Isinulat ni Axl Rose V. Ferrer

Comments

Post a Comment

Popular posts from this blog

BALITA: GAD capability building, dinaluhan ng Teaching & Non-teaching Personnel

-
Image
Hindi napigilan ng masamang panahon ang mga guro sa Junior at Senior High kasama ang lahat ng non-teaching personnel sa ginanap na Gender and Development (GAD) Capability Building sa Caliraya Resort Club Inc. sa Lumban, Laguna noong ika-14 ng Hulyo, 2023. Naging matagumpay ang isinagawang GAD Capability Building bilang tugon sa inilabas noong Hulyo 18, 2013 na DepEd Order 27, s. 2013 o Guidelines and Procedure on the Establishment or DepEd Gender and Development (GAD) Focal Point System (GFPS) at the Regional, Division and School Levels sa pangunguna ni G. Sonny D. Valenzuela, kasalukuyang punongguro ng Pinagsanib na paaralang Timoteo Paez. Ang layunin nito ay palawakin ang pagsasanay sa pagiging sensitibo, pagsusuri, at pagpaplano sa kasarian pati na rin ang pagbibigay ng impormasyon tungkol sa mga batas, patakaran, at tool na nauugnay sa GAD. Masama man ang panahon ay naging makabuluhan naman ang inihandang aktibidad na sumubok sa pagkakaisa ng magkakaibang departamento na pi...
Read more

ISPORT: Atleta ng arnis, kampeon sa district meet

-
  Tinanghal na kampeon ang mga mag-aaral mula sa Timoteo Paez Integrated School (TPIS) sa pandistritong palaro sa larangan ng Arnis na ginanap sa Antonio A. Marcelo High School noong Pebrero 6, 2023.   Nagpamalas ng kahusayan ang mga atleta ng TPIS sa pakikipagtagisan ng lakas sa larong Arnis laban sa lahat ng paaralan sumali sa patimpalak sa buong Distrito 1.   Nagbunga naman ang pagsasanay ng mga atleta sa kabila ng mabigat na pag-eensayo gayong hindi pa rin nila kinaligtaan na gampanan ang kanilang tungkulin sa pag-aaral sa pamamagitan ng tamang paggamit ng oras.   Nakamit ng mga lalaking manlalaro na sina Andrayn Daguio (2nd place pin weight), Jhared Aliser (2nd place bantam weight), Lester Mañoza (1st place feather weight), Christian James Paz (2nd place extra-light weight) at Austine Tayco (2nd Place half-light).     Hindi naman nagpatalo ang mga babaeng atleta na sina Geraline Galves (3rd place bantam weight), Franchesca Arpe (first p...
Read more