Ang Pahatid (1967) - Opisyal na Pahayagan sa Filipino ng Pinagsanib na Paaralang Timoteo Paez

     Halos dalawang taon din nang makulong tayo sa lungkot ng pandemya, nawala ang mga masasayang handaan at masisiglanng pagtitipon. Maging ang kulay ng mga estudyanteng ‘di man lang nakaranas ng tinatawag nilang “prom” ay kumupas.    Mapalad na ako kung ituturing dahil inakala kong makakapagtapos ako nang ‘di man lang nararanasan ang Js Prom. Nitong Marso, namangha ako sa aking nasaksihan pagkapasok ko sa loob ng aming paaralan dahil tila mga nagagandahan at nagbobonggahang gown at porma ang bumungad sa akin, pag-aamin ko, nakaramdam ako ng kaunting pagka- insecure sa aking kasuotan ngunit ‘di ako nagpatinag, nagpatuloy pa rin ako sa pagsasaya sa gabing iyon. Pagpatak ng dilim, nagsimula na ang pagpasok ng mga estudyante at guro. Mas lalong nagningning ang buong covered court dahil sa kislap ng mga ilaw at mga palamuting makintab. Nang oras na namin para rumampa, wala akong makitang iba kung ‘di ilaw na sinabayan pa ng panginginig ng tuhod ko dahil sa kaba pero saglit lamang iyon

  Iginuhit ni Imaru D. Conta

               Matagumpay na naisagawa ang ika-4 na Learning Engagement Management Meeting (LEM) na may temang “Championing the Spirit and Resilience of Teachers through Arts and Sports” sa pangunguna ng Departamento ng MAPEH sa Timoteo Paez Integrated School noong ika-17 ng Marso, 2023.                Naging makabuluhan ang LEM dahil sa mga inihandang gawain, obstacles at aktibidad sa iba’t ibang istasyon na susukat sa ugnayan ng bawat guro sa kanilang grupong kinabibilangan. Dinaluhan ng mga guro mula sa iba’t ibang departamento ang aktibidad, layunin nito ay palakasin, pagtibayin ang relasyon ng bawat isa, mapaghusay pa ang komunikasyon at pakikipag-ugnayan sa grupo. Sama-samang lutasin ang mga tasking na ibinigay habang masayang ginagawa ito at may positibong pamumuno. Napagod, nabasa at nagutom man ang mga dakilang guro ng paaralan ay umuwi naman silang may ngiti sa kanilang mga labi.     Isinulat ni: Axl Rose V. Ferrer