LATHALAIN: DepEd Order No. 049, s. 2022, Mga hakbang na dapat tandaan sa pakikipag-ugnayan ng mga guro sa mag-aaral

               Ang pakikipag-ugnayan sa guro ay isang mahalagang bahagi ng pag-aaral. Ang guro ay hindi lamang tagapagturo ng kaalaman kundi pati na rin tagapayo at tagagabay sa mga estudyante. Kaya naman, mahalaga na makipag-ugnayan nang maayos sa guro upang makakuha ng magandang samahan at suporta.

Ngunit kamakailan lamang, inilabas ang Department of Education (DepEd) ang DepEd Order No. 049, s. 2022 noong ika-2 ng Nobyembre, 2022 upang amyendahan ang naunang inilabas ukol sa Amendments to DepEd Order No. 047, s. 2022 (Promotion of Professionalism in the Implementation and Delivery of Basic Education Programs and Services). 

Ito ay naglalayong magbigay ng mga alituntunin sa pagpapalaganap ng propesyonalismo sa pagpapatupad at paghahatid ng mga programa at serbisyo sa batayang edukasyon. Ayon sa DepEd Order No. 049, s. 2022, ang mga guro, hindi nagtuturong-tauhan, at empleyado ay dapat iwasan ang mga relasyon, interaksyon, at komunikasyon, kasama na ang pagsunod sa social media sa mga mag-aaral sa labas ng setting ng paaralan maliban kung sila ay kamag-anak.

Ang DepEd Order No. 049, s. 2022 ay nagdulot ng iba't ibang reaksyon mula sa mga guro at mag-aaral. May ilan na sumasang-ayon dito dahil sa layunin nitong maprotektahan ang mga mag-aaral mula sa anumang pang-aabuso o panghihimasok mula sa mga guro. May ilan naman na tumututol dito dahil sa tingin nila’y ito ay labag sa kanilang karapatan bilang mga guro at mag-aaral na makipag-ugnayan at makipagkaibigan.

Kaya naman, narito ang ilang mga paraan kung paano makipag-ugnayan nang maayos sa guro sa ilalim ng DepEd Order No. 049, s. 2022:

1. Sundin ang mga patakaran at alituntunin na nakasaad sa DepEd Order No.49 - Ito ang pinakaunang hakbang upang makipag-ugnayan nang maayos sa guro. Sundin ang mga patakaran at alituntunin na nakasaad sa pamamagitan ng pag-iwas sa mga relasyon, interaksyon, at komunikasyon na maaaring magdulot ng anumang problema sa pagitan ng guro at mag-aaral. Kung may kamag-anak na guro, ipaalam ito sa paaralan upang maiwasan ang anumang akusasyon o hinala.

2. Magpakita ng respeto at paggalang sa pamamagitan ng pagbati, pagtawag sa tamang titulo at pangalan (Bb. Dela Cruz o G. Dela Cruz), pagsunod sa mga patakaran at pakisuyo, at pag-iwas sa mga salita o kilos na maaaring maka-offend o maka-insulto sa guro.

3. Maging aktibo at interesado sa klase sa pamamagitan ng pagsali sa mga diskusyon, pagtatanong o pagsagot ng mga katanungan, paggawa ng mga takdang-aralin at proyekto, at pagpapakita ng interes na matuto sa aralin.

4. Humingi ng tulong o feedback kung kinakailangan sa pamamagitan ng paglapit sa guro kapag may hindi ka naiintindihan, may problema ka sa iyong pag-aaral, o may gusto kang malaman pa. Magpasalamat din sa guro kapag nakatulong siya sa iyo.

5. Magbigay ng pasasalamat o papuri kung nararapat sa kahit anong pagkakataon.

Ngayon ay inyo nang nalaman ang tamang pakikipag-ugnayan sa ating mga guro upang maiwasan ang anumang isyu o problema na maaaring harapin sa pagitan ng mga mag-aaral at kaniyang guro.

Isinulat ni Lhean Lyn S. Bangcale